Aku Kangen

Marang dhalang, aku kangen trampil sabetane

Marang sindhen, aku kangen cengkok swarane

Marang niyaga, aku kangen gumyak surake

Marang gamelan, aku kangen ngranging kumandhange

Marang wayang, aku kangen eklas sumarahe

Marang blencong, aku kangen langgeng uripe

Marang panggung, aku kangen ndhuwur kuncarane

Aku kangen marang dhalang ngrapal jantur!

Aku kangen marang sindhen nglaras langgam!

Aku kangen marang niyaga pesta senggak!

Aku kangen marang gamelan asung gendhing!

Aku kangen marang wayang ngrengkuh lakon!

Aku kangen marang blencong murub wahyu!

Aku kangen marang panggung nyipta kondhang!

Kapethik saking : Antologi Geguritan Bledheg Segara Kidul

                                                                                    Anggitanipun Turiyo Ragilputra