MIJIL

Ing ngandhap menika salah satunggaling cakepan tembang macapat Mijil ingkang kaserat wonten ing Wulang Reh.

                      

Poma kaki padha dipuneling

Ing pitutur ingong

Sira uga satriya arane

Kudu anteng jatmika ing budi

Ruruh sarta wasis

Samubarangipun

Lan dennedya prawira ing batin

Nanging aja katon

Sasabana yen durung mangsane

Kakendelan aja wani mingkis

Weweka ing ati

Densamar densemu

Lan densami manteb marang becik

Lan ta wekas ingong

Aja kurang iya panrimane

Yen wus tinitah maring Hayang Widi

Ing badan puniki

Wus pepancenipun